226 MEMOIRES DE PIERRE DE L'ESTOILE.

-peine qu'il avoit eue de les prescher et administrer tout du long du quaresme, fist imprimer une remonstrance faite en ce temps au Roi pour se faire catholique : de laquelle couroient secrettement des copies à Paris_y escrites à la main. A laquelle remonstrance il adjousta du sien, comme si c'eust esté de l'aucteur, encores qu'on y reconnoisse le langage et stile tout different, une petite legende abrégée des faits et gestes plus mémorables de messieurs les Hespagnols, perpétrés par eux à Paris et aux environs; avec un petit sommaire abregé de leur foy, vie et religion, comme on peult voir aux dernieres pages dudit livre, imprimé à Paris sans nom de lieu ni aucteur.

Pour la conclusion de son traité, il inseré un advis notable du Grand Turcq, qui se va faire de l'Union.

Or, quand ceux de la Ligue eurent veu ceste remonstrance avec l'addition hespagnole qui gastoit tout le mistere, ils firent emprisonner l'aucteur et l'imprimeur, faisans faire audit imprimeur amande honorable; et quant à l'aucteur, qui estoit nostre maistre